Yn it begjin fan de 18de iuw wienen de plantaazjes fan Suriname mei Nederlân ferbûn troch in stream fan minsken, guod en kapitaal. De bysûndere stikken fan de famylje Groenewoud yn it argyf fan de meniste gemeente fan Harns litte sjen dat ek yn Fryslân eigeners fan plantaazjes wennen. Fanwegen in langduorjend konflikt oer in neilittenskip binne de korrespondinsje tusken Suriname en de oanbelangjende partijen yn Fryslân en tal fan oare relevante dokuminten bewarre bleaun.

Animal history is mei in opgong dwaande. Benammen it hynder hat dêr in kaairol yn. De skiednis fan it Fryske hynder is noch mar amper wittenskiplik ûndersocht. Yn De Vrije Fries ferskynt meikoarten in earste oersjoch fan de rol fan it Fryske hynder yn de skiednis. Dy rikt fier oer de Fryske grinzen, en is in produkt fan Fryske hannelsgeast en kultuer.

Fryslân hat de lêste desennia flink yn it (archeologyske) nijs west. Opgravingen lykas by Winaam, plus in tal ûndersikingen dan de steile kanten fan diels ôfgroeven terpen, hawwe sûnder mis in grutte fermeardering fan kennis oer it Fryske ferline opsmiten. Mar binne de útkomsten reden genôch foar de wissicheid, wêrmei't de soms fiergeande konklúzjes fan it ûndersyk presintearre wurde?