Oan de start fan Fryslân as eksportearjende suvelprovinsje kinst ien namme ferbine: Sietze Hepkema (1884-1963), earste direkteur fan it Coöperatieve Condensfabriek ‘Friesland’ yn Ljouwert. Ofrûne novimber kundige FrieslandCampina oan de kondinsearre molkproduksje yn Ljouwert te sluten. Dêrmei ferliest it konsern nei goed 110 jier de ferbining mei de oarsprong fan syn sukses. In portret fan Sietze Hepkema, dy’t de Fryske boer learde hoe’t je molke eksportearje.

De stoarmfloed fan 3-5 febrewaris 1825, dy’t benammen Fryslân en Oerisel trof, wie de grutste natuerramp fan de njoggentjinde iuw yn ús lân. Mar we binne dy troch de jierren hinne hast fergetten. Oant we no, 200 jier letter, op grutte skaal ynienen de ramp betinke. Yn dizze Fryslân trije artikels, fan Jan Dirk Wassenaar, Alice Booij en Klaas Zandberg, oer inkelde spesifike kanten fan dizze fergetten wettersneedramp.

De yn Drachten berne Ytsje Kooistra (1861-1923) jildt as ien fan de belangrykste Nederlânske ûnderwiispioniers. Se wegere om ûnderskied te meitsjen tusken de opfieding fan jonges en famkes en hie it as earste yn Nederlân yn wittenskiplike sin oer de term ‘puberteit’. By har ferstjerren yn 1923 waard se omskreaun as in ‘harmonisch ontwikkelde ziel, die als evenwichtig mensch vereerd en bemind werd door allen, die haar hadden leeren kennen.’