Iuwenlang wie it in riedsel hoe’t Nederlanners yn de 16de en 17de iuw safolle flugger en goedkeaper as op oare plakken skippen bouwe koenen. Yn Harns is oan de hân fan in pear boarnen it plan opfette sa’n skip nei te bouwen. De inisjator, Gerald de Weerdt, fertelt hoe’t dat yn syn wurk gie en lûkt konklúzjes oer syn foargongers.

It ferhaal fan Folkert Kuipers en ‘syn’ Coopersburg yn Akkrum is bekend. Minder bekend is it mausoleum foar Folkert en syn leave frou Nettie de Graaff. It mausoleum is yngreven restaurearre, wêrby’t de dekplaten fan de grêftombes lichte waarden. Kloppet it ferhaal dat de kisten eins net pasten?

Desennia lang bewarret it Fries Verzetsmuseum twa buorden mei teksten fan Jan Pietersz. Coen. Mar net ien wist wat se betsjutten, wêr’t se wei kamen, wat de famyljes Hepkema en Tichelaar dermei te krijen hienen. Oanhâldend speurwurk ûntraffelet de ôfkomst.